На мінулым тыдні быў дзень нараджэння нашага самага знакамітага паэта — Янкі Купалы (07.07.1882). Едзем да яго ў суботу — падчас экскурсіі “Аршанскі кодэкс” пабываем у яго Ляўках на маляўнічым беразе Дняпра... ✔️ Яго вершы, паэмы, п'есы сталі сапраўднай энцыклапедыяй жыцця. Ён абагаціў беларускую мову, ператварыў яе ў паўнавартасны літаратурны інструмент, здольны выказваць глыбокія філасофскія і грамадзянскія ідэі. ✔️ Важная і грамадская дзейнасць: паэт актыўна ўдзельнічаў у стварэнні Інстытута беларускай культуры (Інбелкульт), які пазней стаў Нацыянальнай акадэміяй навук; стаяў ля вытокаў Беларускага дзяржаўнага ўніверсітэта. Янку Купалу называюць песняром беларускага народа. І адзін з яго знакамітых вершаў стаў песняй, якую цудоўна выканалі “Песняры”, памятаеце? "Ад прадзедаў спакон вякоў Мне засталася спадчына; Паміж сваіх і чужакоў Яна мне ласкай матчынай. Аб ёй мне баюць казкі-сны Вясеннія праталіны, І лесу шэлест верасны, І ў полі дуб апалены." (Спадчына — 1918 год) Аб культурнай і гістарычнай спадчыне краіны — нашыя экскурсіі і на гэтым тыдні... Поўнасцю расклад экскурсій на ўвесь тыдзень і весь год глядзіце на сайце https://viapol.by/belarus.htm
