20 ліпеня 2012 г. адбылося ўрачыстае адкрыццё палацавага ансамбля XVI-XIX стст. у Нясвіжы пасля рэстаўрацыі. Як доўга мы чакалі гэтага! І амаль з гэтага ж моманту ён стаў адным з самых папулярных месцаў у Беларусі для наведвальнікаў з усяго свету. Рэстаўрацыя вярнула замку прыгажосць, гісторыю, прывабнасць. І абагаціла турыстычны патэнцыял нашай краіны. Дзякуй усім датычным! Дзякуй рэстаўратарам!
