Маршрут СБ-5.15: Аквапарк “Лебядзіны” — Парк Перамогі — Парк Янкі Купалы — Парк Горкага — вуліца Кастрычніцкая
Запускаем серыю роварных вандровак! Праедзем маршрутамі па водна-зялёным дыяметры нашага горада — аднаго са знакавых для экалогіі сімвалаў Мінска. Невялічкая кампанія, свежае паветра і добры экскурсавод — паехалі разам!
Кошт экскурсіі ўключае:
• экскурсійнае абслугоўванне
За дадатковую аплату:
• пракат ровара
ПРАГРАМА
Водна-зялёны дыяметр з'яўляецца сімвалам Мінска і ландшафтна-архітэктурнай каштоўнасцю. Зяленыя зоны, стогадовыя дрэвыі, вольнае паветра і блакітная гладзь вады. Гэта ўнікальны сваёй непарыўнасцю і маштабамі горадабудаўнічы комплекс і важная ландшафтна-рэкрэацыйнай зона для беларускай сталіцы. Рака Свіслач — кампазіцыйная воссь водна-зялёнага дыяметра, на якой створаны сяміпрыступкавы каскад вадасховішчаў праз увесь Мінск: у межах горада — вадасховішча Дразды, Камсамольскае возера, Цэнтральнае вадасховішча ў парку імя Горкага, Серабранскае вадасховішча, Чыжоўскае вадасховішча; за межамі горада — Заслаўскае вадасховішча і вадасховішча Крыніца. Да водна-зялёнага дыяметра як дапаўненне былі пабудаваны Сляпянскае і Лошыцкае воднае паўкола, якія разам ствараюць водна-зялёную сістэму Мінска.
Пачнем нашу першую экскурсію каля АКВАПАРКА "ЛЕБЯДЗІНЫ", дзе адкрываецца цудоўная панарама на водасховішча Дразды. Водасховішча з'явілася на паўночна-заходняй ускраіне Мінска ў 1976 годзе, калі на Свіслачы пабудавалі плаціну для водазабеспячэння горада. Раней па берагах ракі быў лес, які потым спарадкавалі пад лесапарк. Тут водна-зялёны дыяметр бліжэй усяго да прыроднага віду.
Далей працягваем экскурсію па галоўнай веладарожцы Мінска, адкрытай ў верасні 2009 года. Яна перасякае практычна ўвесь горад з паўночнага захаду на паўднёвы ўсход і праходзіць УЗДОЎЖ РАКІ СВІСЛАЧ праз самыя маляўнічыя мясціны Мінска: праспект Пераможцаў, парк Перамогі, сквер Янкі Купалы, парк Горкага… Дарэчы парк Горкага — першы публічны парк у Беларусі і быў закладзены ў 1790-я гады. Праўда, тады ён меў назву "Губернатарскі сад".
Так па веладарожцы даедзем да ВУЛІЦЫ КАСТРЫЧНІЦКАЙ — месца, дзе гарманічна існуюць побач мінулае і будучае. Раней вуліца мела назвы Ніжне-Ляхаўская, Варашылава, Канцавая, а з 1961 года стала Кастрычніцкай. Сёння Кастрычніцкая — гэта ўнікальная гарадская з'ява, сапраўдны арт-аб'ект з абаяльнай індустрыяльнай атмасферай, стрыт-арт мураламі і вулічнымі тусоўкамі па выходных.
Кошт экскурсіі, бел. руб.:
Дарослы
Дзіця да 16 гадоў
Кошт экскурсіі для 1 чал.
20,00
20,00
Працягласць экскурсіі: 15 км, 3 гадз Месца пачатку экскурсіі: 9.00, Мінск, аквапарк Лебядзіны Месца заканчэння: Мінск, вул. Кастрычніцкая
