Виаполь - белорусский туроператор

Галоўная / Карпаратыўныя і школьныя экскурсіі па Беларусі / Карпаратыўныя экскурсіі па Беларусі на 1—2 дня /

Святы Аўлас на бліны лас

Маршрут 2.25.4: Гарадзішча — музей-сядзіба "Стары Менск" — Музей народной архітэктуры і побыту (з анімацыяй)

Адсвяткуем Масленіцу — адно з самых галоўных беларускіх традыцыйных святаў, якое з'яўляецца сімвалам провадаў зімы і прыхода вясны. Невялікая адлегласць — але яна змясціла амаль за 1 000 гадоў нашай гісторыі! Легкая і такая цікавая экскурсія прыйдзецца Вам да спадобы, спадарства!

ПРАГРАМА

Едзем глядзець вытокі летапіснага Менска — на рацэ Менцы пад велічнымі валамі гарадзішча ХІ стагоддзя ў аднаіменным пасяленні ГАРАДЗІШЧА. Супрацьстаўленне войска Полацкага князя Ўсяслава Чарадзея і войска Кіеўскіх князёў Яраславічаў у сярэдзіне ХІ стагоддзя знайшло адлюстраванне ў хроніцы "Аповесць мінулых часоў" і стала першым успамінам пра горад Менск — пад 1067 годам. Валы Гарадзішча добра захаваліся, з іх вышыні (а гэта 9-ці павярховага дому вышыня!) Паслухаем драматычную гісторыю той бітвы і той эпохі; шляхі здрад і перамог; гісторыю інтрыг і саюзаў…

У Гарадзішчы пад старадаўнімі валамі знаходзіцца і каларытная сядзіба-музей "СТАРЫ МЕНСК". Экскурсія па музеі з ўнікальнымі артэфактамі Х-ХІ стагоддзяў (знаходкі археалагічных раскопаў — іх больш 500). Пад аповед экскурсавода жыцце людзей таго часу стане больш зразумелым, можна будзе ўявіць сабе падзеі тысячагадовай даўніны і зразумець, што Мінск меў слаўны шлях. Цяпер Вы будзеце ведаць, дзе пачынаўся наш Менск!

Пасля АБЕДУ наведаем МУЗЕЙ НАРОДНАЙ АРХІТЭКТУРЫ І ПОБЫТУ ў Азярцы etna.by — выдатны музей пад адкрытым небам, дзе дэманструецца народная традыцыйная культура ў звезеных з розных куткоў Беларусі драўляных пабудовах. Вас чакае незвычайнае падарожжа па вуліцах вёскі XIX стагоддзя ў дзіўны свет народнай фантазіі. Свет сыходзячай у нябыт драўлянай Беларусі набывае тут бачныя рысы, жывыя фарбы, гукі і пахі... Вы ўбачыце уніяцкую Свята-Пакроўскую царкву XVIII стагоддзя, велізарны грамадскі свіран, прыдарожную капліцу-ратонду, карчму і млын, кузню, народную школу... А галоўнае — разнастайныя тыпы сельскіх падворкаў.

Падчас ІНТЭРАКТЫЎНАЙ ЭКСКУРСІІ "Святы Аўлас на бліны лас" вы даведаецеся, што нашы продкі рабілі ў кожны дзень МАСЛЕНІЦЫ. Вас чакаюць:
    ✓ лялечны тэатр "Батлейка"
    ✓ спальванне пудзіла зімы і карагод вакол кастра
    ✓ абрад "вешанне калодкі"
    ✓ наведванне жанчыны павітухі
    ✓ беларускія гульні і танцы.

У гэтым музеі, размешчаным у надзвычай маляўнічай мясцовасці, Вы акунецеся ў цудоўны свет народнай фантазіі і зробіце выдатныя фатаздымкі!

Кошт экскурсіі ўключае:
    • Праезд аўтобусам туркласа
    • Экскурсійнае суправаджэнне па маршруце
    • Экскурсія па валах Гарадзішча
    • Экскурсію ў музеі "Стары Менск"
    • Экскурсія-анімацыя "Аўлас на бліны лас" ў музеі народнай архітэктуры і побыту
    • Фірмовы сувенір

За дадатковую аплату:
    • Уваходныя квіткі ў музей народная архітэктуры і побыту
    • Уваходныя квіткі ў музей сядзібы "Стары Менск"
    • Абед

Працягласць экскурсіі: 150 км, 8 гадзін

Месца пачатку экскурсіі: ад Вашай арганізацыі (ці пазначце іншае месца)
Месца заканчэння: па Вашым запыце

Глядзіце ўсе фота