|
|
Мінскі гарадскі выканаўчы камітэт, Музычны Дом "Класіка" і Турысцкая кампанія "Віаполь" аб'яўляюць конкурс двайнікоў Станіслава Манюшкі
|
Правілы і ўмовы правядзення конкурсу на пошук двайніка Станіслава Манюшкі:
- Да ўдзелу ў конкурсу запрашаем мужчын любога ўзросту.
- Неабходна валодаць фізічнымі дадзенымі, знешне сапраўды падобнымі да Станіслава Манюшку (выявы яго выгляду ў пункце 9).
- Заяўкі прымаюцца на электронную скрыню: info@viapol.by.
- Заяўкі прымаюцца да 17 гадзін 2 верасня 2016 года ўключна.
- Неабходна даслаць адзін або некалькі фотаздымкаў без рэтушы, можна ў акулярах, можна без іх, прыкладна так, як на выявах Станіслава Манюшкі, што захаваліся да нашых дзён.
- Межы правядзення конкурса: 26.08.2016—02.09.2016.
- Канчатковае рашэнне журы адбудзецца вечарам 2 верасня 2016 года (да ўвагі журы прымае не толькі падабенства твару, але і падабенства агульнага вобраза сучаснага чалавека да выяваў Станіслава Манюшкі, што захаваліся: гэта і адзенне, і акуляры. Лепш за ўсё зрабіць сучасны фотаздымак максімальна адпаведны старой выяве кампазітара).
- Пераможца атрымае ў падарунак двухдзённую паездку ад турысцкай кампаніі "Віаполь" на 2 персоны "АLBARUTHENIA: Гродна—Ліда, 2 дні" (Ліда — Гродна — Каробчыцы) — транспарт, экскурсіі, а таксама сняданкі і абеды, начлег у гатэлі, музеі ў гарадах уваходзяць у падарункавы пакет.
- Выявы кампазітара — глядзіце побач.
Склад журы:
- Віктар Скарабагатаў (заслужаны артыст Рэспублікі Беларусь, прафесар, стваральнік мастацкага калектыву "Беларуская капэла"),
- Галіна Патаева (кандыдат геаграфічных навук, дырэктар Турысцкай кампаніі "Віаполь"),
- Аляксандр Чахоўскі (імпрэсарыа, заснавальнік і кіраўнік праекта Музычны Дом "Класіка"),
- Алена Радзівонава (мастацкі кіраўнік дзяржаўнай установы "Мінскканцэрт"),
- Глеб Лабадзенка (журналіст, даследнік).
3 верасня ў 13:30 ля мінскай гарадской ратушы адбудзецца святочны баль у стылі XIX стагоддзя ў гонар славутага мінчука — кампазітара Станіслава Манюшкі. Гонар адкрыцця гэтага балю будзе належыць пераможцы конкурсу!
P.S. Манюшка вяртаецца ў Мінск!
Увесь тыдзень напрыканцы спякотнага лета і пачатку вясёлай восені 2016 будзем з Манюшкам!
- 27 жніўня ў 20:00 — на заключным канцэрце фестывалю "Класіка ля ратушы з velcom" будзе гучаць шэсць кампазіцый з розных твораў Станіслава Манюшкі.
- 3 верасня ў 13:00 — святочнае адкрыццё помніка С. Манюшку і В. Дуніну-Марцінкевічу.
- 3 верасня ў 13:30 — пасля адкрыцця помніка Музычны Дом "Класіка" арганізоўвае баль, адкрываць які будзе сам маэстра Станіслаў Манюшка — пераможца конкурсу. На балі будзе гучаць музыка кампазітара, пад яе артысты-аніматары ў шляхетных строях XIX стагоддзя станчаць розныя танцы (частка праграмы будзе інтэрактыўнай — а гэта значыць, што ўсе гледачы, якія пажадаюць, змогуць разам станцаваць вальс і паланэз).
- 3 верасня акаля 15:00 — пасля балю — экскурсавод Турысцкай кампаніі "Віаполь" правядзе гадзінную экскурсію па Верхнім горадзе, акцэнтуючы ўвагу на знакавых фактах і падзеях, звязаных з жыццём Станіслава Манюшкі ў Мінску.
А яшчэ — увесь год у Гарадской Ратушы кожную сераду і пятніцу можна сустрэцца… з маэстра! Падчас Агляднай экскурсіі па Мінску Турысцкая кампанія Віаполь робіць паўгадзінныя музычна-тэатральныя кампазіцыі "Манюшка вітае гасцей". Запрашаем!
| |
|
|
|
|
|